Author: Arthur Chan Page 13 of 32

မန်မာ့ စကားပုံများကို အင်္ဂလိပ်လို ပူးတွဲပြီး ဖော်ပြထားပါသည်၊ စကားပုံပေါင်း120 ကျော်တင်ပြထားပါသည်

.Adjust burden to strength, like arrow to bow.တန်နှင့်အားကို လေးနှင့်မြှားကဲ့သို့ ညီအောင်လုပ်ပါ။

ReadMoreAlthough cowardly be slow to run.မရဲသော်လည်း ပြေးခဲစေ။

The anger of the prudent never shows.ပညာရှိအမျက် အပြင်မထွက်။

Arrows all gone before the battle begins.စစ်မရောက်ခင် မြှားကုန်။

As the doe gives birth to a fawn the tiger eats it.သမင်မွေးရင်း ကျားစားရင်း။

As to eating it, will it is covered with grit; but as to throwing itaway, well, it is rich and luscious.စားရမှာလည်း သဲတရှပ်ရှပ်၊ လွှင့်ပစ်ရမှာကလည်း အဆီနဲ့ တဝင်းဝင်း။

As you are fated to eat honey, bees swarm in your beard.စားရကံကြုံတော့ မုတ်ဆိိတ်ပျားစွဲ။

Ask when you don’t know, wash when you’re dirty.မသိလျှင်မေး၊ မစင်လျှင်ဆေး။

At the sight of fresh fish away goes the roast.ငါးစိမ်းမြင်၊ ငါးကင်ပစ်။

Bad children? Blame the parents.သားသမီးမကောင်း မိဘခေါင်း။

Being afraid of the tiger he takes refuge with the lork Spirit, butthe lord Spirit is worse than the tiger.ကျားကြောက်လို့ ရုှင်ကြီးကိုး၊ ရှင်ကြီး ကျားထက်ဆိုး။

The bigger the tiger, the bigger the pug-marks.ကျားကြီးတေ့ာ ခြေရာကြီး။

The black elephant dare not look at the royal white elephant’s face.ဆင်ဖြူမျက်နှာ ဆင်မည်း မကြည့်ဝံ့။

A blind fowl came upon the rice-pot .ကြက်ကန်း ဆန်အိုးတိုး။

The blind man is not afraid of ghosts.မျက်ကန်းတစ်ဆေမကြောက်။

The care of one daughter equals that of a thousand cattle.သမီးတစ်ကောင် နွားတစ်ထောင်။

The cat jumps with joy when the forest is on fire.တောမီးလောင် တောကြောင် လက်ခမောင်းခတ်။

Cheeks shinning because of gold earrings.ရွှေနားကပ်ရောင်ကြောင့် ပါးပြောင်။

Clear water cannot be obtained from a well that has just been dug.ခု ရေတွင်းတူး၊ ခု ရေကြည်သောက်၍ မရ။

Day will not break for a hen’s cackle; it will break only for a cock’s crow.ကြက်မတွန်၍ မိုးမလင်း၊ ကြက်ဖတွန်မှ မိုးလင်းသည်။

Desire for haste is delay.အရင်လို အနှေးဖြစ်။

Discard only bad baskets and punnets, not bad sons and daughters.တောင်းစုတ် ပလုံးစုတ်သာ ပစ်ရိုးထုံးစံ ရှိသည်။ သားဆိုးသမီးဆိုးကိုပစ်ရိုးထုံးစံမရှိ။

Do not spare a bullock or a wife.မယားနဲ့နွား မသနားနဲ့။

Do not tread on a heap of thorns because you have faith in you karma.ကံယုံု၍ ဆူးပုံမနင်းနဲ့။

Eat a section of garlic; you smell of garlic. Eat two sections; yousmell the same.တစ်တက်စားလည်း ကြက်သွန်၊ နှစ်တက်စားလည်းကြက်သွန်။

Eczema comes on the teprous place.နူရာ ၀ဲစွဲ။An ember about to blaze glows brightly.တောက်မည့်မီးခဲ တရဲရဲ။

Empty pockets, empty promises.ငွေမရှိ စကားမတည်။

An error may go on for ever, but it can be set right in a moment.ပျက်အစဉ် ပြင်ခဏ။

Even if you do not love him (her), hold your breath and kiss him(her), even if yor do not kiss him (her), heave a sigh.မချစ်သော်လည်း အောင့်ကာနမ်း၊ နမ်းသော်လည်း ပင့်သက်ရှူ။

Falling face downwards in the front of the tiger.ကျားရှေ့ မှောက်ရက်လဲ။

Fetching water in an open wicker basket.ခြင်းကြားနဲ့ ရေသယ်။

Flipping sesamum seeds into an elephant’s mouth.ဆင်ပါးစပ် နှမ်းပက်။

A floor which has no binding is in disorder.အကွပ်မရှိကြမ်း ပရမ်းပတာ။

Fondle a dog and it will lick your face.ခွေးကလေး အရောဝင်တော့ ပါးလျက် နားလျက်။

The future price will be fixed in the future; sell it at the current price.နောင်ခါလာ နောင်ခါစျေး။

Going to plough and forgetting the catte.လယ်ထွန်သွား နွားမေ့။

A good beginning ensures a satisfactory ending.အစကောင်းမှ အနှောင်းသေချာ။

A good tree can lodge ten thousand birds.သစ်တစ်ပင်ကောင်း ငှက်တစ်သောင်းနားနိုင်။Grass depends on the island, the island on the grass.ကျွန်းကိုင်းမှီ ကိုင်းကျွန်းမှီ။Great desire obtains little.အလိုကြီးက အရနည်း။Guests only come to a happy house.အိမ်သာလို့ ဧည့်လာ။He asked for bones because he wants flesh.အသားလိုလို့ အရိုးတောင်း။He breathes through someone else’s nose.သူများနှာခေါင်းပေါက်နဲ့ အသက်ရှု။He calls her aunt only when her cucumber fruits.ဘူးသီးသီးလို့ အရီးတော်။He climbs up the pole of the morquee to show his alms-giving.အလှူ့ရှင်မှန်းသိအောင် မဏ္ဍပ်တိုင်တက်ပြ။He does not catch the monitor lizard and he has lost his chopper.ဖွတ်မရ ဓားမဆုံး။He dropped a fish-hook whenever the fish sent up bubbles (expecting tocatch it).ငါးပွက်ရာ ငါးစာချ။He leans on a white elephant and sucks sugar-cane.ဆင်ဖြူတော်မှီ၍ ကြံစုပ်။He lives in the bushes but his spirits is in the heavens.လူနေချုံကြား စိတ်နေဘုံဖျား။He may be poor, however intelligent he may be, if he has no karma.ကံမရှိ ဉာဏ်ရှိတိုင်းမွဲ။He praises the pickling of his own fish.ကိုယ့်ငါးချဉ် ကိုယ်ချဉ်။He rides without knowing whether it’s a stallion or mare.ကိုယ်စီးတဲ့မြင်း အထီးမှန်းအမမှန်း မသိ။He tries to establish relationship with a person only when the person has gold.ရွှေရှိမှ အမျိုးတော်။He was all right when he was sitting; only when he got up did Irealize he was lame.ထိုင်နေတော့ အကောင်းသား၊ ထသွားမှ အကျိုးမှန်းသိ။He who talks isn’t strong; he who’s strong doesn’t talk.လူပြောမသန်၊ လူသန်မပြော။He would like to ride a difficult buffalo but hasn’t enough courage.မရဲဘဲ ကျွဲပြဲစီးချင်။His mouth say; “Buddha Buddha, ” but his hand acts contrariwise.ပါးစပ်က ဘုရား ဘုရား၊ လက်က ကားယား ကားယား။Husband and wife are like tongue and teeth.လင်နဲ့မယား လျှာနဲ့သွား။I have no money to pay the debt and no land abscond to.ပေးစရာ ငွေမရှိ၊ ပြေးစရာ မြေမရှိ။If a needle can pierce it don’t chop with an axe.အပ်ဖြင့် ထွင်း၍ရလျှင်၊ ပုဆိန်ဖြင့် မခုတ်ရ။If the beginning is good, the end must be perfect.အစကောင်းလျှင် အနှောင်းသေချာမည်။If the cattle are scattered the tiger seizes him.နွားကွဲလျှင် ကျားဆွဲမည်။If the fire is greater the fire wins; if the water is greater the water wins.မီးများ မီးနိုင်၊ ရေများ ရေနိုင်။If the thorn falls the leaf is pierced; if the leaf falls the leaf is pierced.ဆူးပေါ်ဖက်ကျလျှင် ဖက်ပေါက်သည်။ ဖက်ပေါ်ဆူးကျလျှင် ဖက်ပေါက်သည်။If there is a question, there is also an answer.အမေးရှိလျှင် အဖြေရှိသည်။If you carry the world” No” with you, you will never be poor even in old age.ဘူးတစ်လုံးဆောင် အိုတောင်မဆင်းရဲ။If you do not know, ask; if it not clean, wash.မသိလျှင်မေး၊ မစင်လျှင်ဆေး။If you don’t believe me , ask my wife.မယုံရင် ငါ့မယားကိုမေး။If you want to go fast, go the old road.အလျင်လို လမ်းအိုလိုက်။If you desire is great you obtain little.အလိုကြီးက အရနည်းသည်။Ignorance is more troubles me than poverty.မရှိတာထက် မသိထာခက်သည်။In a basket it is the binding, in a man it is his clothes.တောင်းမှာအကွပ်၊ လူမှာအဝတ်။In a forest where there is no heart-wood the castor-oil plant rules.အနှစ်မရှိတဲ့တော ကြက်ဆူပင် မင်းမူ။In another’s eyes, but in his own eyes he sees no dirt.အခြားလူများ၏ မျက်ချေးကိုမြင်၍ ကိုယ့်မျက်ချေးကိုယ်မမြင်။In journeying at improper time, one step; in eating improper food, onemouthful is sufficient to course mishap.အစားမတော် တစ်လုပ်၊ အသွားမတော် တစ်လှမ်း။It is for bird to fly and die; it is for man t5o scheme and die.ငှက်သည် ပျံရင်းသေသည်။ လူသည် ကြံရင်းသေသည်။It’s like threading a dog’s crooked tail through a joint of bamboo.ခွေးမြီးကောက် ကျည်တောက်စွပ်သလို။Just as the breeze carries the flower’s fragrance, so do men carry men’s news.ပန်းသတင်း လေညှင်းဆောင် လူသတင်း လူချင်းဆောင်။Just when he wants to cry you touch him.ငိုချင်လျက် လက်တို့။Karma is the mother and karma is the father.ကံသာလျှင် အမိ၊ ကံသာလျှင် အဖ။Karma watches over your property; your intellig- ence watches over your life.ဥစ္စာကံစောင့်၊ အသက်ဉာဏ်စောင့်။A lazy man lies flat on his back, a lazy woman stretches out her legs.ယောက်ျားပျင်းတော့ ကျောခင်း၊ မိန်းမပျင်းတော့ ခြေဆင်း။Let enmity stops short, but love lingers on.ချစ်စကို ရှည်စေ၊ မုန်းစကို တိုစေ။Let them know about it but not see it.သိတာသိစေ မမြင်စေနဲ့။Like father and grandfather alike.ဘမျိုးဘိုးတုူ။Loss of good is one day spoiled; loss of a hrsband is a ruined life.ကုန်ရှုံးတော့ တစ်ရက်၊ လင်ရှုံးတော့ တစ်သက်။A man does not lose his life if the time at which he is fated to dieis not arrived.သေနေ့မစေ့သေးလျှင် မသေ။The man from hell is not afraid of hot ashes.ငရဲကလူ ပြာပူမကြောက်။Mice cease to fear the cat when she is too old.ကြောင်အို ကြွက်မလေး။Minds together, bodies apart.စိတ်ပေါင်းကိုယ်ခွာ။Moderation is medicine, excess is peril.လွန်ရင်ဘေး၊ တန်ရင်ဆေး။The moon shinning in the hollow of the bamboo.၀ါးလုံးခေါင်းထဲ လသာ။More money always wins the cause.ငွေများ စကားနိုင်။A motherless son is a fish in low water.အမိမဲ့သား ရေနည်းငါး။Near a fisherman one is a fisherman; near a hunter a hunter.တံငါနားနီး တံငါ၊ မုဆိုးနားနီး မုဆိုး။No lawyer is infallible, nor a doctor immortal.မမှားသော ရှေ့နေ၊ မသေသော ဆေးသမား။The oar broke while the boat was going.လှေလှော်ရင်း တက်ကျိုး။Offering a sword-hilt to a thief.သူခိုး အရိုးကမ်း။Old bullocks are partial to tender grass.နွားအို မြက်နုကြိုက်။Once you have died you know how to lay out the corpse.တစ်ခါသေဖူး ပျဉ်ဖိုးနားလည်။One can but fall to earth or rise to the golden umbrella.သေမြေကြီး ရှင်ရွှေထီး။One capable many and a force of ten thousand was crushed.တစ်ယောက်ကောင်းက တစ်သောင်းဗိုလ်ခြေ ညက်ညက်ကြေ။One day, six feet, where will Bagan move to ?တစ်နေ့တစ်လံ ပုဂံဘယ်ရွေ့။One day to die, and one day to born.သေတစ်နေ့ မွေးတစ်နေ့။One in a thousand mothers bears such sons.မတစ်ထောင် တစ်ကောင်ဘွား။One mouthful of unsuitable food, one imprudent step may lead to peril.အစားမတော်တစ်လုပ်၊ အသွားမတော် တစ်လှမ်း။One needs a full stomach to keep the precepts.အူမတောင့်မှ သီလစောင့်နိုင်မည်။One seasum seed will not make oil.နှမ်းတစ်စေ့နှင့် ဆီမဖြစ်နိုင်။One should not open the mouth for a presentation cow and look at the teeth.အလကားရသည့်နွားကို သွားဖြဲမကြည့်သင့်။One’s bed is a throne if one thinks to be so.ကိုယ်ထင်လျှင် ခုတင်ရွှေနန်း။Only the sufferer knows how his belly aches.ကိုယ်ဝမ်းနာ ကိုယ်သာသိ။Only when the thief has run away do the tatto spots show their power.သူခိုးပြေးမှ ထိုးကွင်းထ။Picking up frogs with a perforated bag.ပလိုင်းပေါက်နှင့် ဖားကောက်။Pinning for the aunt rather than the mother.အမေကျော် တွေးတော်လွမ်း။Playing a harp before a buffalo.ကျွဲပါးစောင်းတီး။Pot against pot, the pots will touch; ropes together, the ropes will tangle.ကြိုးချင်းထား ကြိုးချင်းထိ၊ အိုးချင်းထား အိုးချင်းထိ။The price of the hook(goad) is greater than the prick of the elephant.ဆင်ဖိုးထက် ချွန်းဖိုးကကြီး။Property is guarded by luck.ဥစ္စာကံစောင့်။Rain water leaks through the roof-top.ခေါင်က မိုးယို။Riding on the same boat, going on the same journey.တစ်လှေတည်းစီး တစ်ခရီးတည်းသွား။Rubbing liniment on the unaffected spot.မရောင်ရာ ဆီလူး။Said to be marrying a captain, she married a sailor.ကျော်တော့လှေသူကြီး ညားတော့ လှေထိုးသား။Searching for a lime before he gets the hare.ယုန်မရခင် သံပရာရှာ။Seeing the bark you know the tree; seeing his expression you know his character.အပွေးမြင် အပင်သိ၊ အသွေးမြင် အသွင်သိ။Setting fire to the grannary because one cannot beat the mice.ကြွက်မနိုင် ကျီမီးနဲ့ရှို့။She wears the flower when it has a sweet scent, but disards it when ithas lost its scent.မွှေးလျှင်ပန်၊ နံလျှင်ပစ်။Silence is worth a thousand pieces of silver.ဆိတ်ဆိတ်နေ ထောင်တန်။The snare was set to catch a hare but the cat was caught.ယုန်ထောင် ကြောင်မိ။The son is one month older than his father.အဖေထက် သားတစ်လကြီး။The stick falls on the sore.အနာပေါ် တုတ်ကျ။Store up the water while it rains.The strongest young bullock is only as strong as an old bullock with abroken leg.နွားပျိုသန်လှ နွားအိုပေါင်ကျိုးသလောက်ပဲ ဖြစ်သည်။Sugar-cane is sweet always, man only sometimes.ကြံသည် အစဉ်ချိုသော်လည်း လူသည် အစဉ် မချို။Taking shelter in the shade of a tree and breaking off the branches.အရိပ်နေနေ၊ အခက်ချိုးချိုး။Teaching a monk to read; showing an alligator king the water business.ဘုန်းကြီးစာချ၊ မိကျောင်းမင်း ရေခင်းပြ။Teasing eventually turns to quarrel.အကျီစားသန်လျှင် ရန်ဖြစ်သည်။Teeth that are going to chew for a long time must aviod bones.ကြာကြာဝါးမယ့်သွား အရိုးကြည့်ရှောင်။A thing floats when it gets rotten; the news, if not true will not spread.ပုပ်လျှင်ပေါ်၊ ဟုတ်လျှင်ကျော်။Those who are unaware walt over it, those who are aware unearth it and eat it.မသိသူကျော်သွား သိသူဖော်စား။Throwing sand at the meat he cannot eat.မစားရတဲ့အမဲ သဲနှင့်ပက်။The tiger who courts death moves to another jungle.သေချင်တဲ့ကျား တောပြောင်း။Timidity relieves one of responsibitity.ကြောက်တတ်လျှင် ၀န်ကင်းသည်။To be ignorant is worse than being poor.မရှိတာထက် မသိတာခက်။To dig one’s grave with one’s own hands.ကိုယ့်သေတွင်း ကိုယ်တူး။Too many doctors and the son dies.ဆရာများ သားသေ။Too much carp makes the curry in stupid.ငါးသိုင်းများ ဟင်းဟုံ။Too much talk will include errors.စကားများလျှင် အမှားပါမည်။The top of a pinnade now, firewood soon.မှန်ကင်းတစ်လှည့် ထင်းတစ်လှည်။Travelling by raft and yet thirsty.ဖောင်ဆီးရင်း ရေငတ်။Trust a slave you lose an eye; trust your childrin you lose both.ကျွန်ယုံတော့ တစ်လုံးကန်း၊ သားသမီးယုံတော့ စုံလုံးကန်း။Unitl timber is available, use bamboo as a girder.သစ်မရခင် ၀ါးကူ။A village ox does not feed on village grass.ရွာနားကမြက် ရွာနွားမစား။Water falling into sand.သဲထဲ ရေသွန်။Wax will show the quality of gold.ရွှေအကြောင်း ဖယောင်းသက်သေတည်။When an elephant shrinks it’s still a buffalo.ဆင်ပိန်တော့ ကျွဲ။When diamonds are being sold, the tobacco-stalk verchant is in the way.စိန်ကောင်းကျောက်ကောင်း ရောင်းနေသည့် အခါ၌ ဆေးရိုးသည်က ကန့်လန့်ကန့်လန့်။When I work for my living the rains are sconty, when I sted for myliving the dogs bark.လုပ်စားတော့ မိုးခေါင်၊ ခိုးစားတော့ ခွေးဟောင်။When in agony a mother will even deny being related to her son.ကိုယ်မချိ အမိသော်လည်း သားတော်ခဲ။When the disease is not known there is no remedy.အနာမသိ ဆေးမရှိ။When your strength is not sufficient, humble yourself.အားမတန် မာန်လျှော့။Where there is a question, there must be an answer.အမေးရှိလျှင် အဖြေရှိရမည်။While being troubled by snakes, he is harassed by centipedes.မြွေပူရာ ကင်းမှောင့်။The whole boat is putrid because of a single carp.ငါးခုံးမတစ်ကောင်ကြောင့် တစ်လှေလုံးပုပ်။A woman’s modesty cannot be bought with gold.မိန်းမတို့အိန္ဒြ ရွှေပေး၍မရ။You will face a hundred peoblems in your lifetime though you may notlive that long.အသက်တစ်ရာမနေရသော်လည

မင်္ဂလာရှိသော ညနေခင်းလေးအတွက် ဆရာဖူးကျော်ဇင်(Future Wave) ရေးသားထားသော ” လူအမျိုးအစား (၄) မျိုး”

ဘဝအောင်မြင်မှုလမ်းကို လျှောက်လှမ်းတော့မယ်ဆိုရင် အရင်ဦးဆုံးလုပ်ရမယ့်အရာကတော့ ကိုယ့်အကြောင်းကိုယ်သိအောင် ဆန်းစစ်လေ့လာတာ ဖြစ် ပါတယ်။ ““ငါဟာ ဘယ် လိုလူမျိုးလဲ””၊ ““ဘယ်လို လူမျိုးဖြစ်ချင်တာလဲ”” အောင်မြင်တဲ့ လူသားတွေဟာ ““ဘယ်လို လူမျိုးတွေလဲ”” စသဖြင့် လေ့လာသုံးသပ်ရပါမယ်။
လောကမှာ လူတန်းစားပေါင်းစုံ၊ အဆင့်အတန်းပေါင်းစုံနဲ့ လူအမျိုးမျိုးရှိနေကြပါတယ်။ ဘဝအောင်မြင်မှုနဲ့ ပတ်သက်လာရင်တော့ လူတန်းစားလေးမျိုးကို တွေ့ရမှာပါ။ လူတွေရဲ့မတူညီတဲ့ အတွေးအခေါ်တွေ၊ မတူညီတဲ့ စိတ်ဓာတ်နဲ့လုပ်ရပ်တွေကြောင့် သူတို့တွေရဲ့ ဘဝအောင်မြင်မှုရလဒ်တွေဟာလည်း ကွဲပြားနေတာကိုတွေ့ရပါတယ်။ ဒီလိုခြားနားမှုတွေအရ လူအမျိုးအစားလေးမျိုးဆိုပြီး ခွဲခြားထွက်ပေါ်လာတာပါ။

(၁) Full Stop. လူမျိုး
Full Stop. ဆိုတဲ့အတိုင်း ဒီလိုလူမျိုးတွေဟာ ဘဝမှာ ရပ်တန့်နေတဲ့လူမျိုးတွေ၊ ပြီးဆုံးသွားပြီဆိုတဲ့ လူမျိုးတွေ ဖြစ်ပါတယ်။ ဆက်မသွားတော့ဘူးဆိုပြီး၊ စိတ်ဓာတ်ခွန်အား နည်းတဲ့ လူမျိုးတွေဖြစ်ပါတယ်။ လူကသာ အသက်ရှင်နေပေမယ့် စိတ်ဓာတ်တွေ သေဆုံးနေတယ်လို့ ပြောရမယ့် လူစားမျိုးပါ။ ဘဝကိုလက်မြှောက်အရှုံးပေးတယ်။ ဖြစ်ချင်တာမဖြစ်ရလို့ ““ဖြစ်ချင်သလိုဖြစ်ကွာ””ဆိုပြီး ဘဝကိုရေဆန် မျောလိုက်သူတွေလည်း ဖြစ်ပါတယ်။
တစ်ချို့က သင်ယူသင်ကြားခြင်း (Learning) ကို ရပ်တန့်ပစ်လိုက်တယ်။ တစ်ချို့က ကိုယ့်ရဲ့ စီးပွားရေးလုပ်ငန်းတွေ အဆင်မပြေတဲ့ အခါမှာ လုပ်ငန်းတွေကို ရပ်တန့်ပစ်တယ်။ စီးပွားရေး၊ လူမှုရေး၊ အိမ်ထောင်ရေး၊ အချစ်ရေး အဆင်မပြေလို့ ကိုယ့်ဘဝကို လမ်းဘေးပို့ပစ်တဲ့ လူတွေလည်း ပါ၀င်ပါတယ်။ အောင်မြင်မှုလမ်းကို လျှောက်လှမ်းနေတဲ့အခါမှာလည်း ဇွဲမရှိဘဲ လက်လျှော့ရပ်တန့်ပစ်တတ်တယ်။ ဘယ်အရာကိုမှ ပြီးမြောက်အောင်မြင်အောင် မလုပ်နိုင်၊ ဆုံးခန်းတိုင်အောင်မလုပ်နိုင်ဘဲ လမ်းတစ်ဝက်မှာ ရပ်တန့်ပစ်လေ့ရှိကြပါတယ်။
ဒါ့အပြင် သူတို့တွေဟာ လက်ရှိဘဝ အခြေအနေလေးကိုပဲ လက်ခံပြီး ဆက်လက် တိုးတက်ဖို့ မလုပ်ဆောင်တတ်ပါဘူး။ လက်ရှိနေရာလေးမှာပဲ ရပ်တန့်နေတတ်ပါတယ်။ စိတ်ဓာတ်ကြံ့ခိုင်မှုမရှိဘူး။ အားငယ်တတ်တယ်၊ သိမ်ငယ်တတ်တယ်။ မဖြစ်နိုင်ဘူး၊ မတတ်နိုင်ဘူး၊၊ မလုပ်နိုင်ဘူးလို့အမြဲပြောတတ်ဆိုတတ်တယ်။
ကံကိုပဲ အပြစ်ပုံချတတ်ပြီး  ဉာဏ်၊ ၀ီရိယ ကို အားမကိုးဘဲ နေတတ်တဲ့လူမျိုးတွေ Full Stop လူသားထဲမှာ ပါ၀င်ပါတယ်။ ဘာဖြစ်ဖြစ် ကံပဲလေဆိုပြီး အတိတ်ကံပေါ်မှာ အပြစ်ဖို့နေပြီး ငုပ်တုတ်ထိုင်နေတတ်ကြပါတယ်။ ဒီလို ထိုင်နေရုံနဲ့ ဘာမှဖြစ်လာမှာမဟုတ်ပါဘူး။
ဒါကြောင့် လူအများကလည်း သူတို့ကိုတွေ့ရင် ““ဆန်ကုန် မြေလေးပဲ””လို့ သတ်မှတ်ကြပါတယ်။
အဆိုးဆုံးရပ်တန့်ခြင်း Full Stop ကတော့ မိမိရဲ့ ဘဝကို မိမိအဆုံးသတ်ပစ်လိုက်ခြင်းပါပဲ။
လောကကြီးမှာ ဆက်လက်ရှင်သန်လိုစိတ် မရှိဘူး။ အသက်ရှင်နေလို့လည်း ငါ့ဘဝကဘာမှ မထူးပါဘူးဆိုပြီး၊ ကိုယ့်ဘဝကို အဆုံးစီရင်ပစ်တဲ့ Full Stop ကတော့ အဆိုးဆုံးအခြေအနေပါပဲ။
တစ်ချို့ Full Stop လူမျိုးတွေကတော့ ကိုယ်တိုင်ရပ်တန့်နေရတာ အားမရသေးဘူး။ တခြားသူများကို ရပ်တန့်ပစ်ဖို့တိုက်တွန်းကြတဲ့ သူတွေရှိပါတယ်။ ““ဒီအလုပ်မျိုး ငါလုပ်ဖူးတယ်၊ အဆင်မပြေပါဘူးကွာ၊ မင်းလည်းလုပ်မနေနဲ့၊ မဖြစ်နိုင်ဘူး”” လုပ်မနေပါနဲ့ကွာ၊ ရှုံးသွားရင် ဘယ်လိုလုပ်မလဲ”” စသဖြင့် လိုက်လံပိတ်ပင် ရပ်တန့်တတ်ကြပါတယ်။ ကိုယ်ကလည်းရပ်တန့်နေရတာကိုသဘောကျပြီးသူများကိုလည်းဆက်မသွားစေချင်ကြသူတွေ
ပါပဲ။ဒီလောက်ဆို Ful Stop ဆိုတဲ့ ပထမလူ စားမျိုးဟာ ဘယ်လိုလူမျိုးတွေလည်းဆိုတာ
သဘောပေါက်လောက်ပါပြီ။ လူ့ပတ်ဝန်းကျင်မှာ ဒီလိုလူတွေများလာရင် တိုးတက်မှုတွေ နှောင့်နှေးနေဦးမှာပါပဲ၊ ဒီလိုလူတွေဟာ မိမိကိုယ်တိုင်ရော၊ နိုင်ငံနဲ့လူမျိုးအတွက်
သာမက လောကကြီးကိုပါ ရပ်တန့်ခြင်းတွေဖြစ်စေနေဦးမှာပါ။

(၂) Question Mark?၊ လူမျိုး
နောက်ထပ် လူတစ်မျိုးကတော့ Question Mark?၊ ဆိုတဲ့လူမျိုး ဖြစ်ပါတယ်။ သူက Full Stop လို ရပ်တန့်နေတဲ့လူမျိုးတော့ မဟုတ်ပါဘူး။ သူတို့က ရပ်တန့်ခြင်းကိုလည်း အလိုမရှိ ပါ။ သူတို့တွေက ရှင်သန်သွားလာ လှုပ်ရှားနေ တဲ့သူတွေပါ။ ဒါပေမယ့်ခက်တာက သူတို့ဘယ်သွားနေတယ်၊ ဘာလုပ်နေတယ်၊ ဘယ်ရည်မှန်း ချက်ဆီကိုဦးတည်နေတယ်
ဆိုတာမသိရှာတာပါပဲ။ သူတို့က နေ့ရှိသရွေ့၊ ညရှိသရွေ့ အလုပ်တွေကြိုးစားကြတယ်။
ဘာကြောင့်လုပ်နေသလဲ သူတို့ကိုယ်တိုင်မသိဘူး၊ ဘာအတွက်လုပ်နေ တာလဲဆိုတဲ့ အဓိကရည်ရွယ်ချက်ကို မသိကြဘူး။ ရည်မှန်းချက်မဲ့ပြီး ပန်းတိုင်ပျောက်နေကြတယ်။ အလုပ်တွေလုပ်နေတာ စားဝတ်နေရေး အဆင်ပြေအောင် ဖြေရှင်းနိုင်ဖို့ပါပဲဆိုတဲ့ အချက်လောက်ပဲသိတယ်။ ပြောချင်တာကတော့ Question mark?၊
လူမျိုးတွေဟာ လုပ်တော့လုပ်နေတယ်၊ ဘာအတွက်လုပ်နေမှန်း မသိကြဘူး။ ဘဝလောကကြီးမှာ ရှင်သန်သွားလာနေတယ်၊ ဘယ်ကိုဦးတည်နေတယ်ဆိုတဲ့ ပန်းတိုင်တွေမရှိကြဘူး၊ မသိကြဘူး။ ဒါကိုဆိုလိုတာပါ။
ဘဝမှာ ဘာဖြစ်ချင်တာလဲ၊ ဘာလုပ်ချင်တာလဲ၊ ဘယ်ကိုရောက်ချင်တာလဲဆိုတာ ဘာမှတိတိကျကျမရှိကြပါဘူး။ ဦးတည်ရာပန်းတိုင် မရှိဘဲ လျှောက်လှမ်းနေရင်တော့ ဘယ်မှရောက်မှာမဟုတ်ပါဘူး။ ဒီလိုပန်းတိုင်ပျောက်ပြီး ဘာလုပ်လို့
ဘာကိုင်ရမှန်း မသိကြတဲ့လူတွေ၊ နားမလည်ကြတဲ့လူတွေကို Question Mark? လို့ တင်စားတာပဲ ဖြစ်ပါတယ်။ ဒါကြောင့် ကိုယ်ကဘဝမှာ အောင်မြင်ချင်ရင် Question Mark? လို လူမျိုးမဖြစ်ရအောင် တိကျသေချာတဲ့ ပန်းတိုင်တွေကို ချမှတ်ထား ဖို့လိုပါတယ်။ ကိုယ်ဘာလုပ်နေပြီး ဘယ်ကိုဦးတည်နေတယ်ဆိုတာ သိနေတယ်ဆိုရင်တော ကိုယ်ဟာ Question Mark? လိုလူမျိုး မဟုတ်တော့ပါဘူး။

(၃) The C လူမျိုး
နောက်တစ်မျိုးကတော့ Colon : ဆိုတဲ့လူတွေပါပဲ။ ဒီလိုလူမျိုး တွေဟာ အလယ်အလတ်တန်းစား လူမျိုးတွေပါပဲ။ Colon : ဆိုတဲ့အတိုင်း အလယ်မှာနေသူတွေ၊ ကြားနေသူတွေဖြစ်ပါတယ်။ သူတို့မှာတော့ ရည်မှန်းချက်တွေ၊ အိပ်မက်တွေရှိကြပါတယ်။ ပန်းတိုင်တွေ ချမှတ်ထား တာတွေလည်းရှိကြပါတယ်။ ဒါပေမယ့် သူတို့ရဲ့ပန်းတိုင်တွေဟာ
သူလို ကိုယ်လို ပန်းတိုင်တွေပါပဲ။ သေးငယ်တဲ့ရည်မှန်းချက်တွေပဲ ရှိကြပါတယ်။
သူတို့တွေရဲ့ အားနည်းချက်ကတော့ သူများတွေလုပ်သလို လုပ်တတ် ကြတာပါပဲ။ သူများပြောသလို လိုက်လံဆောင်ရွက် တတ်ကြတာပါပဲ။ သူများယောင်ရင် လိုက်ယောင်တတ်ကြပါတယ်။ လူအုပ်ကြီး နောက်ကို လိုက်တတ်ကြပါတယ်။ သူလိုကိုယ်လို သာမန်လူတန်းစားမျိုး တွေပဲ ဖြစ်ပါတယ်။
ဆင်းရဲလားဆိုရင် မဆင်းရဲပါဘူး။ ချမ်းသာလားဆိုတော့လည်း မချမ်းသာဘူး။ Middle Class ဆိုတဲ့ လူလတ်တန်းစားတွေပါပဲ။ Colon : ဆိုတဲ့အတိုင်း ကြားနေဝါဒပေါ့။ သူတို့အမြဲပြောလေ့ရှိတာက ““ငါတို့ အရမ်းကြီးလည်း မချမ်းသာချင်ပါဘူး။ မအောင်မြင်၊ မကျော်ကြား ချင်ပါဘူ။ ဆင်းရဲတာမျိုးလည်း မလိုချင်ဘူး။ လောကမှာ အေးအေး ဆေးဆေးနဲ့ လူတန်းစေ့နေနိုင်ရင် တော်ပါပြီ””တဲ့။
ဟုတ်ပါတယ်။ Colon : ဆိုတဲ့လူတွေဟာ အေးအေးချမ်းချမ်းနဲ့ ဘဝမှာ အရိုးရှင်းဆုံးဖြတ်သန်းချင်သူတွေပါ။ သူတို့ဟာ အနိုင်မရချင်သလို အရှုံးကိုလည်းအလိုမရှိပါဘူး။ ရှုံးမှာကြောက်တဲ့ သူတွေထဲမှာ ပါ၀င်သလို အနိုင်မရရင်လည်း ကျေနပ်နိုင်ပါတယ်။ အနိုင်မရှိ အရှုံးမရှိ သရေကျတာကို နှစ်သက်တယ်ပေါ့။ သူများကိုလည်း
ကျော်မတက်ချင် သလို သူများနောက်မှာလည်း မနေနိုင်ပါဘူး။ ရင်ဘောင်တန်းနိုင်ရင်
တော်ပြီပေါ့။ ဒါဟာ Colon : ဆိုတဲ့လူမျိုးတွေပဲဖြစ်ပါတယ်။

(၄) Exclamation! လူမျိုး
နောက်ဆုံးလူအမျိုးအစားကတော့ Exclamation! ဆိုတဲ့ အံ့အား
သင့်စရာ လူမျိုးတွေဖြစ်ပါတယ်။ သူတို့တွေဟာ လူတွေကို Exclamation! အာမေဋိတ်ဖြစ်စေတယ်။ သူတို့ရဲ့စိတ်ဓာတ်တွေ၊ အတွေးအခေါ်တွေဟာ လူတွေကို အံ့သြမင်သက်စေတယ်။ သူတို့ရဲ့လုပ်ရပ်နဲ့ အောင်မြင်မှု တွေဟာ လူတွေကို ဟာခနဲ၊ ဟင်ခနဲ ဖြစ်စေနိုင်တယ်။ လူတွေရဲ့ ““မဖြစ်နိုင်ပါဘူး””လို့ ပြောတဲ့စကားတွေကို
ဖြစ်အောင်လုပ်ပြတတ်ပြီး ပါးစပ်အဟောင်းသားဖြစ်စေတဲ့ လူမျိုးတွေပါ။
ပြီးတော့ သူတို့ဟာ လူအများအားကျအောင် ကိုယ့်ဘဝကို အကြီးကျယ်ဆုံး ဖန်တီးကြတဲ့သူတွေပါ။ စံပြပုဂ်္ဂိုလ်တွေဖြစ်အောင် နေထိုင် ကြပါတယ်။ ရည်မှန်းချက်တွေ ပန်းတိုင်တွေက အင်မတန်ကြီးမားတယ်။ တခြားသူတွေကို သူတို့က သြဇာလွှမ်းမိုးနိုင်တယ်။
လောကမှာ အများ အံ့သြကြရတဲ့ အောင်မြင်သူကြီးတွေ၊ ခေါင်းဆောင်ကြီးတွေ၊
သန်းကြွယ် သူဌေးကြီးတွေ၊  ဉာဏ်ကြီးရှင်ကြီးတွေဖြစ်ကြပါတယ်။ ဖြစ်အောင်လည်း လုပ်မယ်ဆိုတဲ့ ဆန္ဒကြီးမားသူတွေပါ။ သူတို့တွေဟာ ကိုယ့်ကိုယ်ကို အမြဲ
တိုးတက်နေအောင်လုပ်တယ်။ ပြောင်းလဲမှုတွေကို နှစ်သက်တယ်။ အဆက်မပြတ်
သင်ယူသင်ကြားမှု တွေကိုလုပ်တယ်။ အောင်မြင်မှုတွေပေါ်မှာ
အာရုံစိုက်တတ်တယ်။ အခက်အခဲတွေ၊ ပြဿ နာတွေရှိရင်လည်း အပြောင်မြောက်ဆုံး ကျော်လွှားဖြေရှင်းနိုင်ကြတယ်။
Exclamation! ဆိုတဲ့အတိုင်း စိတ်ဓာတ် ကြံ့ခိုင်မှုနဲ့ ယုံကြည်မှုကတော့ တကယ့်အံ့မခန်းပါပဲ။ ဒါဆိုရင် Exclamation! ဆိုတဲ့လူမျိုးတွေဟာ ဘယ်လိုလဲဆိုတာကို သိရှိလောက်ပါပြီ။သင်ဘယ်လိုလူလဲ သင်ဘယ်လိုလူလဲဆိုတာ သိဖို့အရေးကြီးပါတယ်။
ဒါပေမယ့် ဒီထက် အရေးကြီးဆုံးကတော့ ““သင်ဘယ်လိုလူမျိုးဖြစ်ချင်သလဲ”” ဆိုတာ ပါပဲ။ ဒီလူအမျိုးအစားလေးမျိုးကို သေချာသုံးသပ်ပြီး ကိုယ့်ဘဝကိုယ် ပြောင်းလဲဖို့
စတင်နိုင်ပါတယ်။ ကိုယ့်ဘဝဟာ ကိုယ့်လက်ထဲမှာပါပဲ။ ကိုယ့်ဘဝကို ကိုယ်တိုင်ဖန်တီးတည်ဆောက်နိုင်ပါတယ်။ အခုချက်ချင်းပဲ သင်လက်ရှိဖြစ်နေတဲ့ လူအမျိုးအစားထဲကနေ သင်အနာဂတ်မှာ ဖြစ်ချင်နေတဲ့ လူမျိုးဖြစ်အောင်စတင်
လိုက်ပါတော့လို့တိုက်တွန်းလိုက်ပါတယ်။

Let’s Fly Together!
ဖူးကျော်ဇင် (Future Wave)