နိုင်ငံရေး၊ ဝါသနာ၊ အလုပ်

လတ်တလောမြန်မာနိုင်ငံတွင် ဟော့ ဖြစ်နေသော အကြောင်းအရာကား တက္ကသိုလ်ကျောင်းသားများ၏ သပိတ်ပေတည်း။

မန္တလေးအိမ်တော်ရာဘုရားဝင်းမှစခဲ့သော သပိတ်စစ်ကြောင်းသည် .အမျိုးသားပညာရေးဥပဒေကို ဆန့်ကျင်သော ဆန္ဒပြပွဲပင်ဖြစ်သည်။

ယခုမှုထောက်ခံသူအများအပြားနှင့်ရှေ့ဆက်လျက်ရှိသည်။

မနေ့က မြင်းခြံမှအထွက်တောင်သာသို့အသွားတွင် လမ်း၌

လုံခြုံရေးများ၏ အတားအဆီးများကိုကြုံခဲ့ရသည်။

ယနေ့တွင်ကား ကျောင်းသားခေါင်းဆောင်များနှင့် တာဝန်ရှိသူတို့နေပြည်တော်တွင် ဆွေးနွေးနေကြပြီဖြစ်၏။

မည်သို့လာမည်ကားမသိသေး။

ကျွန်တော်ယနေ့တော့ . ဆရာ သိန်းဖေမြင့်၏ သပိတ်မှောက်ကျောင်းသား စာအုပ်ကိုဖတ်နေသည်။

တစ်ခေတ်တစ်ခါကလည်း. ပညာရေးစနစ်ကိုတော်လှန်မှုမျိုးဖြစ်ခဲ့ဖူးသည်ပဲ။

သူတို့လုပ်သည်ကားမှန်သည်။

လုပ်သင်လုပ်ထိုက်သော အချိန်တွင်ကား လုပ်သင့်သည်။

ပညာရေး ဥပဒေပုံစံကို ပြုပြင်ရန်လွယ်ကူသေးချိန်တွင်ကား

မိမိလိုအပ်ချက်များကိုတောင်းဆိုရန်ကောင်းသည်။

လူအားလုံးက လက်ရှိအခြေအနေပေါ်တွင်အာရုံစိုက်လျက်ရှိသည်။

ဖေ့စ်ဘွတ်ပေါ်တွင် #mmstudentsဟူသော စာဖြင့်ရေးသားမှုများခေတ်စားနေပြီ။

ကျွန်တော်လည်း. သူတို့နှင့်နီးစပ်သောနေရာတွင်ဖြစ်ပါက..

ထိုသပိတ်ထဲတွင်ပါဝင်ကောင်းပါဝင် နိုင်လိမ့်မည်။

ယခုတွင်ကားအခြားနေရာတစ်နေရာတွင်.. အခြားသော အရာတစ်ခုအတွက် ကြိုးပမ်းနေပါသည်။.

ထိုအရာကားမြန်မာယူနီကုတ်စနစ်။

ယနေ့. ထူးခြားသော အကြောင်းအရာထဲတွင်. makemedroid လည်းပါသည်။

ထိုအရာသည် ကျွန်တော်အသုံးပြုနေသော application ဖန်တီးသည့်နေရာတစ်ခုဖြစ်ပါသည်။

ယမန်နေ့က သူတို့ forumထဲတွင်တောင်းဆိုထားသော

custom rss readerကို offlineရအောင်ဖန်တီးပေးဖို့ဆိုသော အချက်ကို .ယနေ့သူတို့ပြုလုပ်ပေးလိုက်ပြီဖြစ်သည်။

ထိုအရာကား မနှစ်တည်းက ကျွန်တော်အလိုရှိနေသော အရာပင်တည်း။

ထို အရာသာရခဲ့လျှင် ကျွန်တော်သတင်းapplication များစွာကို ပြုလုပ်ဖန်တီးနိုင်လိမ့်မည်ဖြစ်သည်။

ကျွန်တော်ပြုလုပ်သော အရာများသည်.. ရှေရှည်အတွက်တော့ခိုင်မာခိုင်မြဲလိမ့်မည်မဟုတ်ပါ။

ရေရှည်အတွက် ဆိုလျှင် သေချာဖွဲ့စည်းထားသော code များဖြင့်ရေးသားသင့်သည်။

ကျွန်တော်ကား အလွယ်လမ်းလိုက်ခဲ့သော သူ..

စေတီတည်ခိုင်းသည်ကို အလွယ်တကူ သဲပုံစေတီတည်ခဲ့သော မင်းသားလိုဖြစ်နေပေသည်။

တစ်နေ့နေ့တော့ကျွန်တော်ရဲ့ လုပ်နိုင်စွမ်းရပ်တန့်သွားလိမ့်မည်။

ကျွန်တော် စနစ်တကျသင်ခဲ့သောသူဖြစ်လိုပါသည်။