အဲဒီနေ့က ၈ကြိမ်မြောက် အာရှပစိဖိတ်မျိုးဆက်ပွားကျန်းမာရေးနှင့်အခွင့်ရေးဆိုင်ရာညီလာခံပါ။
နေပြည်တော်မှာ ပထမဆုံးအကြိမ်လုပ်တာပေါ့ ။
ပထမနေ့က လူငယ်ညီလာခံနေ့ပါ။
များသောအားဖြင့်ကျွန်တော့်ရဲ့တာဝန်က ကန့်လန့်ကာနောက်ကွယ်မှာရှိတယ်။
ဒါပေမယ့်မထင်မှတ်ဘဲ ရှေ့ထွက်ခဲ့ရတဲ့တစ်ခေါက်တော့ရှိတယ်။
အစီအစဥ်တွေထဲမှာ လူငယ်တွေရဲ့ APCRSHR theme song လည်းပါတယ်။
ပွဲနားအရမ်းကပ်ပြီးတော့မှထွက်လာခဲ့တဲ့သီချင်းပေါ့။ နီနီခင်ဇော်နဲ့အခြား ရပ်ပါတစ်ဦးဆိုထားတာ။
အလုပ်တွေရှုပ်နေတာနဲ့သေချာကိုနားမထောင်ခဲ့ရသေးဘူး။
အစောပိုင်း ဖွင့်ပွဲအစီအစဥ်တွေမှာ မိန့်ခွန်းပြောတာတွေ အပြီးမှာနီနီခင်ဇော် က သီချင်းဆိုမှာ ။
သူတကယ်ဆိုတာက နောက်ခံဖွင့်ပြီးဆိုတာပါ .ပါးစပ်လှုပ်ရုံလေးတင်လှုပ်တာ.
ဒါပေမယ့် သူက သူနဲ့အတူတူ စင်ပေါ်တက်ဆိုမည့်သူမရှိရင် စင်ပေါ်မတက်ဖူးလုပ်နေတယ်.
ကိုယ်တွေဘက်မှာလည်းဘယ်သူမှစီစဥ်ထားတာမရှိဘူး။ အရင်တုန်းကအန်တီတွေေပြာထားတာ တစ်ဖွဲ့လုံးပဲ စင်ပေါ်တက်ပြီးပါးစပ်လှုပ်ရမှာလိုလိုဘာလိုလို။ ဒါပေမယ့် ရပ်ပ်က တစ်ယောက်တည်းဆိုရမှာလေ။မန်ဘာအားလုံးကလည်း သူ့ဘာသာသူ အလုပ်ရှုပ်နေကြပြီ။ ဒီအချိန်မှာဘယ်မှ ရှာမရတော့ဘူး၊ ဒါနဲ့ ကိုယ်တိုင်တက်မယ်ဆိုပြီးတော့ နီနီခင်ဇော်ကိုစင်ပေါ် တူတူတက်မယ့်သူရှိတယ်ဆိုပြီးအကြောင်းပြန်ခိုင်းလိုက်တယ်.
နောက်ပြီးတော့ စတိတ်နောက်မှာ သီချင်းခိုးကျက်နေရတာ ကျွန်တော်ပေါ့လေ။
ဒါပေမယ့် သူ့ဟာ ရပ်ပ်အပိုက်တွေဖြစ်တဲ့အပြင် သီချင်းလည်းကြိုမရထားတော့ ။ဘယ်လိုဆိုရမှန်းမသိ
ဘယ်လိုဝါးချရမှန်းတောင်မသိဖြစ်နေတယ်။
ဒါနဲ့ပဲ ပထမတစ်ပိုဒ်ပဲ ရလိုက်တယ်။နောက်ဟာတွေဘယ်လိုအဝင်အထွက်လဲတောင်ကောင်းကောင်းမသိဘူး။
မီးစင်ကြည့်ကတော့ပေါ့ဆိုတာ အဲဒါမှတကယ်ပါ။
နီနီခင်ဇော်အလှည့်ရောက်လို့ စင်ပေါ်တက်ဖို့ခေါ်နေတာတောင် သူမက စင်ပေါ်မရောက်လာသေးဘဲ ၃မိနစ်လောက်နောက်ကျသွားတယ်.
နောက်တော့ လူတွေထောင်နဲ့ချီကြည့်နေတဲ့ ကင်မရာတွေစီတန်းနေတဲ့ ရှေ့မှာ ကျွန်တော်ရဲ့ အကြိုက်ဆုံး အဆိုတော် နီနီခင်ဇော် နဲ့ အတူတူ သီချင်းတွဲဆိုဖို့ ဖြစ်လာပါတော့တယ်.
နေ့စဥ်ရက်စက် အလုပ်တွေရှုပ်နေတာကြောင့်အိပ်ရေးမဝတာရော။ ကြိုတင်ပြင်ဆင်ထားတာမဟုတ်တဲ့အတွက် စိတ်လှုပ်ရှားတာတွေရောနဲ့ ။ ကျွန်တော်ပုဆိုးနဲ့တိုက်ပုံဝတ်ပြီး စင်ပေါ်မှာတက်ပြီး Rapping ရွတ်ပါတော့တယ်
အောက်က တစ်ချို့လူတွေလည်းကျွန်တော်တကယ်ဆိုတာမဟုတ်မှန်းသိကြတယ်.
အချို့လည်း ကျွန်တော်တကယ်ဆိုတယ်ထင်ပြီးဝမ်းသာအားရအားပေးကြ။
သူငယ်ချင်းတွေကော မန်ဘာတွေကော လုံးဝကြိုမသိထားတဲ့အတွက်အကုန် ကြောင်သွားကြတယ်
MCလုပ်နေတဲ့ ကျွန်တော်တို့မန်ဘာဝင်တွေတောင်မသိကြပါဘူး။
ဆိုပြီးတဲ့နောက် ကျွန်တော့်ကိုတစ် ယောက်ပြီးတစ်ယောက်လာနှုတ်ဆက်ကြ။
ကျွန်တော် ရှက်လွန်းလို့ဘာပြန်ပြောရမှန်းမသိ။ သွားဖြဲပြီး ဟီးဟီးပဲလုပ်နိုင်တယ်။
ကိုယ့်အကြောင်းကိုယ်ပဲသိတာကိုး
စိတ်ထဲမှာလည်း ကြိုပြီးသာ အစီအစဥ်ကိုသိပြီး ပြင်ဆင်နိုင်ရင် ငါတကယ် အပီအပြင်ဆိုပြနိုင်မှာ ဆိုပြီး ကြိတ်မနိုင်ခဲမရဖြစ်နေတယ်.
အခုအဲဒီ ဗီဒီယို Youtube မှာရှိပါသေးတယ်. ။
ကျွန်တော့်အတွက် တော့တကယ့်အမှတ်တရပါပဲ။
အခြားသူနဲ့ သီချင်းဆိုရင် ဒီလောက် ရင်ခုန်ရမယ်မထင်ပါ.
နီနီခင်ဇော်ဖြစ်တာကော ကျွန်တော်ကြိုတင်မပြင်ဆင်နိုင်တဲ့အတွက် သူ့ရှေ့မှာ Impression ကျတာကော ကြောင့်တော့ မကျေမနပ်ဖြစ်ခဲ့ရပါတယ်.