ကျွန်တော် အွန်လိုင်းကနေအလုပ်လုပ်လာတာတော်တော်ကြာပြီလို့ပြောလို့ရမယ်
၂၀၁၃ခုနှစ်တည်းကပေါ့။
များသောအားဖြင့် ဗေဒင် Application တွေထုတ်တယ်။ အစကတော့ offline သက်သက်ပဲ။နောက်တော့ အွန်လိုင်းပါချိတ်ပြီးကြည့်လို့ရအောင် စီစဉ်တယ်။ အပတ်စဉ် ဖော်ပြတဲ့ပုံစံမျိုးပေါ့ ။
၂၀၁၄ လောက်အထိ တော့အဆင်ပြေသေးတယ်။ ကျွန်တော်က တစ်နှစ်စာ ကြိုတင်ထားတာလေ။ အချိန်တန်ရင်သူ့ဘာသာ ပြောင်းလဲဖော်ပြပေးမှာပဲ။
အခုတော့ ကျွန်တော်အခက်အခဲတွေ့နေတယ်။ ကျွန်တော်အသုံးပြုတဲ့ ဗေဒင်တွေက မူပိုင်ခွင့်နဲ့ညိနေလို့ လေ။
အဲဒီတော့ ခွင့်ပြုချက်မရပဲဆက်လက်ဖော်ပြလို့မဖြစ်တော့ဘူး ။တကယ်ဆိုရင် ကျွန်တော်၂၀၁၅ အတွက်အားလုံးပြင်ဆင်ပြီးပါပြီ။ ဒါပေမယ့် ခွင့်ပြုချက်မရပဲ တားမြစ်ခံရလို့ ကျွန်တော်အားလုံးရပ်ဆိုင်းလိုက်ရတယ်။
၂၀၁၅ ခုနှစ်အတွက် application ထုတ်ဖို့ကို ကျွန်တော်၂လလောက်အချိန်ယူရတယ်။ ဒေတာတွေစစ်ရတယ်။
ဒီကြားထဲအချိန်မှီမပြီးမယ့် အခက်အခဲတွေ ,အချိန်မှီလုပ်ပေးမယ်ဆိုပြီးကတိဖျက်တဲ့သူတွေနဲ့လည်းတွေ့ရတယ်။
တကယ်ဆို ကျွန်တော် ပေးခဲ့ရတာတွေလည်းအများကြီးရှိတယ်။ ဖြစ်အောင်လုပ်မယ်ဆိုပြီးတော့ အွန်လိုင်းကိုတင်ပေမယ့် တစ်လပဲကြာတယ် ။ကျွန်တော် ကြိုးစားထားသမျှတွေအားလုံးကို ဖျက်သိမ်းပစ်ရတယ်။ အပတ်တိုင်းပြမယ့်အစီအစဉ်လည်းရပ်လိုက်ရတယ်။
စိတ်ဓာတ်တွေလုံးဝပစ်ပြီးကျသွားတယ်။ အွန်လိုင်းအဖြစ်ရပ်တည်နေတဲ့ application တွေက အမြဲတမ်း အွန်လိုင်းရှိတဲ့အရေအတွက် က ၂၀၀၀၀ လောက်ရှိတာကိုး/
ဒေါင်းလုဒ်ကောင့်ကလည်း စုစုပေါင်း သိန်းကျော်တော့မယ်ထင်တယ်။
ကျွန်တော်ဒီပရိတ်သတ်တွေအားလုံးကို ဘာမှမပေးနိုင်တော့ဘူး။
ကျွန်တော့်ရဲ့ application သုံးတဲ့သူတွေကို လက်လွှတ်ရတော့မှာလေ
ဒီခံစားချက်ကို သာမာန်လူဆိုရင် ကောင်းကောင်းခံစားပေးတတ်မှာမဟုတ်ပါဘူး။
အစကကျွန်တော့်ရဲ့Application တွေကိုမကြည့်ချင်လောက်အောင် မုန်းသွားခဲ့ဖူးသေးတယ်။
နောက်တော့မှ အပတ်စဉ်ဘယ်လိုပြန်လုပ်မလဲဖြေးဖြေးချင်းစဉ်းစားတယ်။
ကျွန်တော်တစ်ယောက်တည်းရပ်တည်လို့ကတော့မရတော့ဘူး။ ဗေဒင်ဆရာတစ်ယောက်ယောက်နဲ့ပူးပေါင်းပြီးသူက အပတ်စဉ်ဟောစာတမ်းပေးမယ်။ ကျွန်တော်က ထည့်ပေးမယ်။ သူ့အမည်ကို ထည့်သွင်းပေးမယ်။ ဗေဒင်မေးချင်ရင် ချိတ်ဆက်ပေးမယ်။ ဒါမှမဟုတ်လည်း အသုံးပြုခအနေနဲ့ ကျွန်တော် တတ်နိုင်သလောက် ဉာဏ်ပူဇော်မယ်။ ကျွန်တော့်ရဲ့ applicationတွေက လည်း ဂူဂယ် ကြော်ငြာထည့်ခအနေနဲ့ ငွေနည်းနည်းဝင်ပါတယ်။ ဒါပေမယ့် အဓိက ကတော့ ကျွန်တော် အနှစ်နှစ်အလလကြိုးစားခဲ့တာလေးတွေကို ဒီတိုင်း မလွှင့်ပစ်ရက်ဘူးဗျာ/
တွေးတိုင်းကျွန်တော်ကြေကွဲတယ်။ ဒီပညာရပ်တွေက ကျွန်တော့်ကိုဘယ်သူမှမသင်ပေးပါဘူး
ကွန်ပျူတာရှေ့မှာထိုင်လိုက် တွေးလိုက် ရှာလိုက် စမ်းသပ်လိုက်နဲ့ဒီလောက်အထိဖြစ်လာတာပါ။
ကျွန်တော်အပတ်စဉ်ဖော်ပြဖို့ အတွက် ကြံစည်တုန်းကဆိုရင် အပတ်တိုင်း လိုက်ပြင်ပေးစရာမလိုပဲနဲ့ သူ့ဘာသာအလိုအလျောက် ပြနေအောင် ဘယ်လိုလုပ်ရမလဲ ဆိုတာကို ထမင်းစားရင်းကော ရေချိုးရင်ကော
အိပ်နေရင်းမှာတောင် စဉ်းစားပါတယ်။
ကျွန်တော်က Programming ကိုလေ့လာသင်ယူထားသူလည်းမဟုတ်တော့ ကျွန်တော်အသုံးပြုလို့ရတဲ့ နည်းက အကန့်အသတ်ရှိပါတယ်။ အွန်လိုင်းက အခမဲ့ application ဆောက်တဲ့ website တစ်ခုကို သုံးပြီးဖန်တီးတာပါ။ဒီဇိုင်းနဲ့ဘယ်လို ပုံစံဖန်တီးမလဲ ။ဘယ်လို အရာတွေကို ထည့်သွင်းမလဲ။
အသုံးပြုသူတွေနဲ့ဘယ်လိုချိတ်ဆက်မလဲဆိုတာတွေကိုအဓိက စဉ်းစားရတာပါ။
Coding ပိုင်းနဲ့ပတ်သက်လို့ကျွန်တော်ဘာမှ လှည့်ကြည့်စရာမလိုပါဘူး။
ကျွန်တော် သိချင်တဲ့အရာတွေကို တစ်ခါတစ်လေ Google ထဲမှာလည်းရှာမတွေ့ပါဘူး။ အဖြေတွေအားလုံးကိုပေါင်းစပ်ပြီး စိတ်ကူးအသစ်နဲ့စမ်းသပ်ကြည့်ရတာပါ။
ကျွန်တော့်ရဲ့app ကိုအခြား နိုင်ငံခြားက နေ့စဉ် ဟောစာတမ်း appတွေလို ဖော်ပြအောင်
နောက်ဆုံးတစ်ခုတည်းပြအောင် အချိန်မှန်အသစ်လဲပေးအောင်
အဲဒီနည်းတွေကို ကျွန်တော် ကိုယ့်ဘာသာရှာတွေ့ခဲ့ပါတယ်။ ။ ကျွန်တော့်အရင်က တော့ မြန်မာ ဗေဒင် app တစ်ခုရှိပါတယ်။ သူက နေ့စဉ်ပြပေးတာပါ။
ကျွန်တော်စလုပ်တဲ့အချိန်မှာတော့သူက ဆက်လက်သုံးလို့မရတော့ပါဘူး။
Offline အဖြစ်ပြပေးပြီး အပတ်တိုင်း လည်ပတ်နေတဲ့ ဗေဒင်appလည်းရှိပါတယ်။
ကျွန်တော်ဖန်တီးနေတဲ့အချိန်အတွင်းမှာတော့ ပုံစံတူမရှိခဲ့ပါဘူး။
ကျွန်တော်ရင်ထဲမှာသိမ်းထားရတဲ့စကားလေးတွေပါ။ လူတိုင်းကိုပြောပြလို့လည်းသူတို့တွေက နားမလည် ပေးတတ်ရင်ကျွန်တော်ပဲပိုခံစားရတာလေ။ ကျွန်တော့်ရဲ့သက်မွေးဝမ်းကျောင်းအလုပ်တစ်ခုကို လည်းကိုယ့်ဘာသာလုပ်ပြီး ဝါသနာလည်းပါမုန့်ဖို့လည်းရတဲ့ ဒီလို appတွေကိုလည်းကျွန်တော်ဆက်လက် လုပ်နေချင်ပါသေးတယ်။ တစ်နှစ်စာ ကြိုဖန်တီးထားနိုင်ရင်တော့အကောင်းဆုံးပေါ့ဗျာ/
ကျွန်တော့်appတွေထဲကနေ သူတို့ ကို စိတ်ပျော်ရွှင်စေမယ့် ဗေဒင်အကြောင်းလေးတွေပုံမှန်မြင်ရဖတ်ရရင် သူတို့လည်းပျော်မယ်။
ကျွန်တော်လည်းပျော်မယ်။
ဒါပေမယ့် လက်ရှိမှာတော့ သူတို့ ရဲ့မျှော်လင့်ချက်တွေပျောက်
ကျွန်တော့်ရဲ့မျှော်လင့်ချက်လည်းပျောက်။။
25.3.2015(ဗုဒ္ဓဟူး)
မောင်အာသာ
