သတင်းထူး

ဒေါ်အောင်ဆန်းစုကြည်က ဝန်ကြီးလေးနေရာယူထားမယ်လို့ပြောတယ်။

ပညာရေး

သမ္မတရုံးဝန်ကြီး

လျှပ်စစ်နဲ့စွမ်းအင်

နိုင်ငံခြားရေးဝန်ကြီး

သူ့ကိုနိုင်ငံခြားရေးဝန်ကြီးနေရာယူမယ်လို့ထင်ထားပေမယ့် ဒီလောက်အများကြီးယူမယ်လို့တော့မထင်မိဘူး။

အဖေဆိုရင်ပြောနေတယ်။ သမ္မတရုံးဝန်ကြီးနေရာယူလိုက်ရင်အလိုလိုနေရင်း နေပြည်တော်ကောင်စီကိုပါအုပ်ချုပ်ခွင့်ရသွားပြီတဲ့။

တကယ်ဆိုနေပြည်တော်ကောင်စီက သီးသန့်နယ်မြေလိုမျိိုး ဖြစ်နေတာ။ သီးသန့်အစိုးရပုံစံတစ်ခုနဲ့အုပ်ချုပ်တာမျိုး။ အနားယူသွားတဲ့အရာရှိဟောင်းတွေအတွက်လုံခြုံရေးစီစဉ်ပေးတာကလည်း နေပြည်တော်ကောင်စီလုံခြုံရေးတပ်ဖွဲ့ကပဲ။

တကယ်လို့ဒေါ်အောင်ဆန်းစုကြည်သမ္မတရုံးဝန်ကြီးဆိုရင် နေပြည်တော်ကောင်စီလုံခြံရေးတပ်ဖွဲ့ကိုလည်းစီမံခံ့ခွဲခွင့်ရှိသွားပြီဆိုပြီးပြောနေတယ်။

နောက်ဝန်ကြီးအဖွဲ့ထဲမှာ ပါလာသူတစ်ဦးကတော့ ဆရာဒေါက်တာဖေမြင့်ပါ။

ဆရာဖေမြင့်ကို ပြန်ကြားရေးဝန်ကြီးနေရာပေးထားပါတယ်။

အရမ်းလေးစားရတဲ့စာရေးဆရာ ဆရာဝန်တစ်ဦးဖြစ်တဲ့အတွက် သူပြန်ကြားရေးဝန်ကြီးနေရာရသွားတာကို အရမ်းဝမ်းသာတယ်။

ဆရာ့လို သဘောထားပျော့ပြောင်းနူးညံ့ပြီး လူတွေကို အသိပညာတိုးတက်ချင်စေချင်တဲ့စိတ် ပြင်းပြတဲ့သူတစ်ဦး ရောက်သင့်တဲ့နေရာလို့ပဲထင်ပါတယ်။

ရွေးကောက်ပွဲမှာတုန်းက ခရိုင်ရွေးကောက်ပွဲကော်မရှင်မှာ ဥက္ကဌလုပ်ခဲ့တဲ့အဖေကတော့ပြောတယ်။

သူ မြန်မာနိုင်ငံနောင်ရေးအတွက် စိတ်ချသွားပြီတဲ့။ သူ စေတနာ့ဝန်ထမ်းလုပ်ပေးပြီးတစ်ပြားတစ်ချပ်မှာအကျိုးမရယူခဲ့တာတွေ က တန်ပါတယ်လို့ပြောတယ်။

အဖေကော ကျနော်က ပိုက်ဆံချမ်းသာပေါများသူတွေမဟုတ်ပါဘူး။

ဒါပေမယ့်စားစရာ ရှိတယ် နေစရာရှိတယ် သွားစရာရှိတယ်။

နောက်ပြီး အများအကျိုးအတွက်နိုင်တဲ့နေရာက နေ ကူညီလုပ်ပေးနေတယ်။

ခက်ခဲကျပ်တည်းတာတွေအတွက် တစ်ခါတစ်လေမှာ စိတ်ညစ်ရ တာတွေရှိပေမယ့်

ကိုယ် စိတ်ညစ်ရတာအများကောင်းဖို့ ဆိုတဲ့စိတ်နဲ့လုပ်ခဲ့တာတွေအတွက် တစ်နေ့နေ့တော့

ဖူးပွင့်လာမယ့်အသီးအပွင့်လေးတွေကိုမြင်ရမှာပါ။

အားလုံးနိုင်တဲ့ဖက်ကနေ အစိုးရအဖွဲ့ကိုလမ်းမှန်ပေါ်ရောက်အောင် တော့ ပခုံးထမ်းတင်ပေးပြီးသွားကြပြီ။

ကျနော်လည်း တည်ဆောက်ရေးမှာ ဘယ်နေရာကနေ ဘယ်လိုပါဝင်ခွင့်ရမလဲဆိုတာ ကို စဉ်းစားနေမိတယ်။

ဘာတွေပြင်ဆင်ထားဖို့လိုဦးမလဲလို့ပေါ့လေ။

ဒီအရွယ်မှာ ငွေရှာပြီးချမ်းသာချင်တဲ့စိတ်ရယ်။

ပညာရှာပြီး လူတွေကို အကျိုးပြုချင်တဲ့စိတ်ရယ် ကလွန်ဆွဲနေတယ်။

အခုအချိန်အထိ ဘာမှ ထိထိရောက်ရောက် မစွမ်းဆောင်ခဲ့ရသေးသလိုပဲ။

ဒီထက်ပိုအများကြီးလုပ်နိုင်ပါသေးတယ်။