ကြိတ်၍မျိုချလိုက်ရတဲ့ ဒေါသတွေ ရှိတယ်။

ကျွန်တော် တစ်ခါတစ်လေ လူတွေ အတွက် အခမဲ့ လုပပ်ပေးတာတွေရှိတယ်။
ဥပမာ မိုဘိုင်း appတွေကို အလကားထုတ်ပေးတာမျိုးပေါ့။

ကျွန်တော် ၂၀၁၃ ခုနှစ်တည်းကနေ ဗေဒင် appတွေပုံမှန်ထုတ်လေ့ရှိပါတယ်။
အဲဒီတုန်းတည်းက နာမည်ကြီးဗေဒင်ဆရာ တစ်ယောက်ရဲ့ နှစ်စဉ် ဟောကိန်း စာအုပ်ထဲက အကြောင်းအရာတွေကို application ထဲမှာ ပြန်လည် ကူးယူဖော်ပြနေတာပါ။

၂၀၁၄ ခုနှစ်မှာလူကြိုက်များခဲ့တယ်။
၂၀၁၅ မှာ ကျနော် အပင်ပန်းခံပြီး အသေးစိတ် ပြင်ဆင် ပြီးထုတ်ဝေခဲ့တယ်။
ဖြစ်ချင်တော့ ကျွန်တော်ထုတ်တဲ့ အချိန်က အရမ်းစောသွားတယ်။
ကျွန်တော် မူပိုင်ခွင့်နဲ့ပတ်သက်ပြီး ပြဿနာ ဖြစ်မလို ဖြစ်တယ်။
ဒါကြောင့် ကျနော် တစ်လ လုံး မစားမအိပ် အချိန်ပေးလုပ်ထားတဲ့ ကျနော့်ရဲ့ app ကို playstore ကပြန်ဖယ်ခဲ့ရတယ်။
ရင်ထဲမှာ နာကျင်စိတ် အပြည့်နဲ့ပေါ့ဗျာ။
လူလည်းတော်တော် စိတ်လေ ပြီး လွင့်သွားတယ်။

ကျနော် app တွေကို free ထုတ်ပေမယ့် ရပ်တည်နိုင်တယ်ဆိုတာ app ထဲမှာပါတဲ့ banner ကြော်ငြာလေးတွေ ကြောင့်ပါ။
သူဌေးမဖြစ်ပေမယ့် လုပ်ချင်တာဆက်လုပ်ဖို့ လည်ပတ်ရုံလောက်ရှိပါတယ်။
ကျနော်ပေးရတဲ့ အချိန် ရင်းနှီးရတဲ့ ငွေ
ဖြေရှင်းရတဲ့ အခက်အခဲ ပြဿနာတွေ နဲ့ယှဉ်ရင် ကျနော် ပြန်ရတာ ဘာမှ ဖြစ်လောက်စရာ မရှိပါဘူး။
တဖြည်းဖြည်းနဲ့ အားပေးတဲ့ သူတွေ များလာတာက နေ အားတစ်ခုအနေ နဲ့ ဆက်လက် လည်ပတ်နေတာ။
တစ်ခါတစ်လေ ဒီနှစ်ကုန်ရင် ရပ်လိုက်တော့မယ် ဆက်မလုပ်တော့ ဘူး စဉ်းစားပေမယ့် နှစ်ကုန်တိုင်းတောင်းဆိုနေ တဲ့ သူတွေကြောင်ဘ ကျနော် အမြဲ စိတ်ပြန်ပြောင်းခဲ့ရတယ်။
ဒါပေမယ့် လူတွေက ခက်တယ်ဗျာ။
သူတို့ ဘာမှ ပြန်ပေးထားတာမရှိတဲ့ အရာတစ်ခုကို အခမဲ့လည်း လိုချင်တယ်။
ကွန်ပလိန့်ကလည်း အရမ်းတက်တယ်။
တစ်ခါတစ်လေ အီးမေးလ်ထဲရောက်လာတဲ့ စာတွေမှာ လေသံတွေက အထက်စီး အရမ်းဆန်တယ်။
ပိုက်ဆံယူလို့မရသေးတဲ့ အခြေအနေ အွန်လိုင်း ငွေကြေးစနစ်တွေ မရှိသေးတဲ့
အခြေအနေမှာ အခမဲ့ ပေးနေတာတွေကိုယူပြီး
အလကားရတာသူတို့ ရဲ့ ရပိုင်ခွင့်လို့သဘောထားနေကြ ပြီ။
အခမဲ့လုပ်ပေးသူတိုင်း မချမ်းသာဘူးဆိုတာသူတို့ မသိဘူး။
သူတို့ အလိုလို appတွေ မိုးပေါ်က ကျလာတယ်လို့ထင်လားလဲ မတွေးတတ်ဘူး။
နောက်ကွယ်က စဉ်းစားရတဲ့ ဦးနှောက်
ရင်းနှိးရတဲ့ ငွေ
အချိန် တွေ ကို သူတို့ မမြင်ကြဘူး။
အင်းလေ
တကယ်တော့ မြင်စရာလည်းလိုမှ မလိုတာ။
ကျနော်တို့ လုပ်နိုင်တာက ရတဲ့ နည်းနဲ့ ကိုယ့်အတွက် အကျိုးအမြတ်ကျန်အောင် ယူတတ်ဖို့ပဲ။
အကျိုးအမြတ်မပါတဲ့ မည်သို့သော လုပ်ငန်းကမှ ရေ ရှည် မရပ်တည်နိုင်ဘူး။

တကယ်တော့ ဆက်လက်ရပ်တည်လည်ပတ် လုပ်ငန်းချဲ့ ဖို့အတွက် အကျိုးအမြတ်တစ်ခုကိုတော့ ရအောင်ယူတတ်ရတယ်။

ကျွန်တော် နောက်ဆိုရင်တော့ ကျနော့် app တစ်ချို့ကို အခြားအဖွဲ့ဆီ လက်လွဲှခဲ့မှ ဖြစ်တော့မယ်။
ကိုယ်တိုင်လည်း ဆက်မလုပ်နိုင်တော့ဘူး။
ချဲ့လည်း မချဲ့နိုင်တော့ဘူးလေ။

ဘယ်လို ဖြစ်မလဲတော့ ကျနော် မသိပါဘူး။

၂၃.မတ်လ ၂၀၁၆
ည ၁၀နာရီ ၁၀ မိနစ်