ဖေဖေရေ…..
ဒီနေ့က… ပြည်ထောင်စုနေ့တဲ့…
သားတော့.. မန္တလေးပြည်သူ့ဆေးရုံကြီးထဲက အသည်းအထူးကုဌာနမှာတာဝန်ကျနေတယ်..
ဒီနေ့မနက်..ဗထူးကွင်းထဲ့..အလေးပြုသံတွေ ဘင်ခရာသံတွေကြောင့်အိပ်ရာကနိုးခဲ့တယ်…
လူလတ်ပိုင်းအစပြုနေပြီဖြစ်တဲ့..အသက်မှာ..ကလေးစိတ်တွေက သိပ်မကုန်ချင်သေးဘူး.ဖေဖေရာ..
အိမ်ကိုခဏပြန်လာနေချင်တယ်…
ဒါပေမယ့်ခွင့်ယူလို့ကမဖြစ်ဘူး….
သားလုပ်ချင်စိတ်ရှိနေတာတွေကို အကောင်အထည်ပေါ်အောင်…လမ်းစပေးတဲ့ဖေဖေ..
သားလုပ်တာတွေဘယ်လောက်မကောင်းပဲ..ညံ့ဖျင်းနေပါစေ…ဖေဖေကတော့သားရဲ့ထာဝရပရိတ်သတ်ပါ..
ကောင်းတာတွေကို ရှာကြံချိီးကျုးပေးတဲ့အခါတိုင်.း..စိတ်ထဲကနေကြိတ်ပြီးကျေးဇူးတင်နေပါတယ်…ဖေဖေ
အစွမ်းအစဆိုတာ……လုပ်နိုင်တဲ့အစွမ်းလည်းရှိရမယ်..အစပြုထားတာလည်းရှိရမယ်လို့..ဖေဖေအမြဲတမ်းပြောတယ်…
အစွမ်းရှိတယ်လို့ကိုယ့်ကိုယ်ကိုယုံကြည်လာအောင်.. ပျိုးထောင်းပေးနိုင်ခဲ့ပါတယ်..
လုပ်နိုင်ခွင့်တွေရှိရက်နဲ့.အခုသား.မလုပ်နိုင်ဘူး.ဖေဖေ..
တစ်ယောက်တည်းရပ်တည်ရချိန်မှာ….လောကကြီးထဲ…၀င်တိုးဖို့အားတွေလျော့နေပြီ…
ခွန်အားရှိတဲ့စကားတွေမကြားရတာကြာပြီ……………
တက်ကြွမှုတွေကို..ပြန်ရှာဖွေနေတာ..မတွေ့နိုင်ဘူးအဖေရာ……
.
….အရာရာတိုင်းကပြောင်းလဲနေပြီ…
သားတို့နိုင်ငံကောပဲ..
အိမ်ခဏပြန်ချိန်တွေမှာ…..ဖေဖေနဲ့..နိုင်ငံရေး.ဘာသာရေး..စီးပွာရေးစုုံနေအောင်ဆွေးနွေးတာတွေ..သတိရမိတယ်..
တစ်ခါတစ်လေမှာ..သားအဖ..ငြင်းခုန်ကြရင်း..အဖြေမထွက်ခဲ့တာတွေ..
နိုင်ငံရေးမှာ…အယူအဆမတူတာတွေ….
ရွေးကောက်ပွဲတွေ..စလုပ်တော့..အဖေအရမ်းဝင်ချင်နေတာသားသိပါတယ်…
ဒါပေမယ့်အခြေအနေတွေဘယ်လိုလာမယ်မသိသေးတဲ့အတွက်..သားတွေမျက်နှာငဲ့ပါဦးဆိုတဲ့အမေ့စကားကြောင့်.အဖေ
ငြိမ်နေခဲ့တာ..
အခုတစ်ခေါက်မှာလည်း………အဖေဝင်အရွေးခံချင်တာသားသိပါတယ်..
အဖေ့သွေးထဲစီးဆင်းနေတဲ့ဗီဇကဖျောက်လို့မှမရနိုင်ပဲ..
အဖေ့ရဲ့ဘဝတစ်စိတ်တစ်ပိုင်းကိုနိုင်ငံရေးလောကထဲမြှုပ်နှံထားခဲ့ဖူးတာပဲ..
ဒါပေမယ့်အဖေ..၀င်ပြိုင်ချင်တဲ့မြို့နယ်မှာ..အဖေ.နာမည်မပါတာကိုဂျာနယ်ထဲမှာတွေ့ရတော့သားစိတ်မကောင်းဘူး..
ကိုယ့်ထက်လုပ်နိုင်သူတွေရှိနေချိန်မှာ…….အဖေဝင်မပါတော့ဘူးဆိုတဲ့စကားက…အမြဲတမ်းအမှတ်ရနေစေပါတယ်…
အားရှိတဲ့အဖေ့ဆီက ဆုံးမစကားတွေကြားချင်သေးတယ်..အဖေရာ..
အိမ်ကို လည်းဖုန်းမှန်မှန်မဆက်ဖြစ်တာကြာပြီ..အလုပ်ဝင်တည်းကပဲ….
နောက်မှဆက်ရေးတော.မယ်…
PS… BE HEALTHY AND HAPPY ..DAD
Leave a Reply