၂၅ ရက်နေ့က မုန်တိုင်းရှိတယ် ဆိုတော့ မြန်မာတစ်နိုင်ငံလုံး မိုးတွေရွာနေတယ်။
ပြင်ဦးလွင် ဘက်မှာတောင် မိုးသီးတွေေကြွေတယ်ပြောတယ်။
ပူအိုက်နေတဲ့အချိန် မိုးလေးရွာတော့ နေလို့တော့ ကောင်းတာပေါ့ ။
ညနေက မိုးတိတ်တုန်း အိမ်ရှေ့ဝရံတာ မှာထွက်ပြီး ထိုင်နေမိတယ်။ အနောက်ဖက်မှာ ဝင်နေတဲ့ နေရောင်နဲ့တိမ်တွေကိုကြည့်ရင်း မန္တလေးသင်္ကြန်ကို သတိရမိတယ်။
အဲဒီမှာ ကုန်ခဲ့တဲ့နှစ်တွေမှ မနည်းတာ ။
နောက်ဆုံးမန္တလေးသင်္ကြန်မှာနေခဲ့တာက ၂၀၁၃ ခုနှစ် ။
သူငယ်ချင်းတွေလည်းသိပ်မရှိတော့ လည်ရတာလည်းမကောင်းဘူး။
သင်္ကြန်တွင်းမှာ ရေစိုစိုထဲ ဓာတ်ပုံနဲ့ ဗီဒီယို ထွက်ရိုက်နေခဲ့တယ်။
သင်္ကြန်အလွမ်းပြေ အမှတ်တရ တစ်ခုခုလုပ်ဦးမယ်လို့ စဉ်းစားမိပြီးတော့ ကွန်ပျူတာရှေ့မှာထိုင်ပြီး အလုပ်စတယ်။
ရိုက်ခဲ့တဲ့သင်္ကြန် ဗီဒီယိုတွေနဲ့ ဓာတ်ပုံတွေ ပေါင်းစပ်ပြီး ၃ မိနစ်စာ ဗီဒီယိုကလစ်တစ်ခုရသွားတယ်။
စုစုပေါင်းပြုလုပ်ချိန် ၆နာရီနီးပါးကြာတယ်။
အဲဒီ ဗီဒီယိုလေးကို Youtube မှာတင်ထားတယ်။
နာမည်ကို Myanmar Water Game လို့ပေးလိုက်တယ်။
